Արդեն 13-րդ դարավերջին Վենետիկում ապակու արհեստանոցները, որոնք հաճախակի էին հրդեհվում,  այնքան շատացան, որ սպառնալիք դարձան քաղաքի համար: Այդ ժամանակ` 1291թ. քաղաքային իշխանությունները որոշում կայացրին այդ  արհեստանոցները քաղաքից դուրս հանել: Ամենահարմար վայրը Վենետիկյան ծոցի կղզիների խումբն  էր:

Մուրանո կղզին, որ գտնվում է  Վենետիկյան ծովալճակում, ամբողջ աշխարհում  հայտնի է  ապակի փչող վարպետներով, որոնք արարում են    հիրավի արվեստի գործեր: 12-րդ դարից ի վեր ապակու ստեղծման և  գունավորման տեխնոլոգիաները վենետիկյան վարպետների կողմից  գործնականում չեն փոխվել: Ձեռքի  նուրբ աշխատանքը զարմացնում է  գեղեցկությամբ և նրբագեղությամբ: Այն ամբողջ աշխարհում գնահատվում է  պերճաշուքության  և բացառիկության շնորհիվ:

Վենետիկյան ապակուց պատրաստված իրերը արվեստի գործեր են, որոնք    ոչ միայն վարպետի տաղանդի վկայությունն են, այլև իրենց մեջ կրում են  միտք, փիլիսոփայություն և ոճ: Սովորաբար ապակեգործության գաղտնիքները փոխանցվում են սերնդե սերունդ  և համարվում են ընտանեկան   մասունքներ: Վենետիկյան ապակուց յուրաքանչյուր  առարկա իրական գլուխգործոց է, չէ որ  վարպետը իր հոգու մասնիկն է թողնում  դրա մեջ:

Եթե կախարդված ես` թափանցիկ բյուրեղի   ներսում միախառնվող ծիածանի բոլոր գույների գեղեցկությամբ,   ուրեմն`   քո առջև իսկական Murano glass է:Կարծես  իտալական նուրբ և հրաշալի  երաժշտությունն է  քարացել այնտեղ:  Մուրանո կղզու ապակե իրերը լույսի շողերի մեջ փայլփլում են ինչպես անգին գոհարներ: 

Իսկական murano glass-ը բացառապես ձեռքի աշխատանք է:  Նրանց բարձր արժեքը արարդարացված է աշխատատարությամբ և ապակեգործի  բարձրակարգ վարպետությամբ: Բոլոր  իրերը պատրաստվում են փչման եղանակով:Այս տեխնոլոգիան միայն ապակու համար է, այլ նյութերի  դեպքում այն  կիրառելի չէ:

Մինչ օրս մուրանո ապակուց գլուխգործոցները   ստեղծվում են այդ նույն հինավուրց  եղանակներով և սկզբից մինչև վերջ  կատարվում են ձեռքով: Մուրանո կղզու վարպետների ստեղծագործությունները անչափ գրավիչ են, քանի որ  դրանք տքնաջան աշխատանքի արդյունք են և կրում են իրենց մեջ դարերի շունչը :