VOLTOLINA  (Իտալիա)

VOLTOLINA  ապրանքանիշը   մուրանո  ապակու և բյուրեղապակու կատարյալ դրսևորումն  է:

 Վոլտոլինա եղբայրները  վենետիկյան  ապակու մշակման հինավուրց ավանդույթների ժառանգորդներն են: Նրանք  1984թ. որոշեցին  հարստացնել իրենց արտադրանքի տեսականին   բարձրորակ    բյուրեղապակուց  պատրաստված  լուսավորող սարքերի նոր  խմբաքանակով: Բծախնդրությամբ ընտրված հումքի և  նորագույն տեխնոլոգիաների   շնորհիվ  ընկերությունը    համաշխարհային շուկայում  դարձավ   առաջատարներից մեկը:

Ավանդույթներին հետևելով, ֆիրմայի մասնագետներին հաջողվում է  կատարելագործել հիմնական ապրանքատեսակները և  ստեղծել նոր`գերժամանակակից  մոդելներ: Թարմ մտահղացումների շնորհիվ ստացվում են գծի , ձևի, գույնի  և տեքստուրայի նոր համադրություններ :Յուրաքանչյուր մոդելի ստեղծման համար հանգամանորեն ներդաշնակվում են բոլոր դրվագները, ինչպես կառուցվածքային, այնպես էլ կոմպոզիցիոն առումներով :  Ջահի նույնիսկ ամենափոքր մասը ծնվում է դիզայների և ապակեգործ  վարպետի համատեղ աշխատանքի արդյունքում : VOLTOLINA ֆիրմայի վարպետները ստեղծել են  լուսատու սարքերի   շարքեր, որոնք ներառում են ջահերի, լուսամփոփների, կանթեղների և սեղանի լամպերի մեծ բազմազանություն: Այնպես որ, նմուշ կարելի է ընտրել յուրաքանչյուր տարածքի չափին և նշանակությանը  համապատասխան :

Բյուրեղապակյա  ջահերի արտադրությունը ֆիրմայի հիմնական ուղղվածություններից մեկն է: VOLTOLINA-ն բարձրորակ բյուրեղապակու սեփական արտադրություն ունի: Ավանդական դասական տիպի ջահերից բացի ֆիրման ստեղծում է նաև  հետաքրքիր դիզայնով և համադրական լուծումներով ժամանակակից ջահեր:

Շատ տպավորիչ են  գունավոր մուրանո ապակուց պատրաստված շարքերը: Եթե «տեխնո» ոճի մոդելները Ժամանակակից տարածքներին  վառ շեշտադրումներ են հաղորդում, ապա ծաղկային  լուծումներով մոդելները առավել ունիվերսալ են: Դրանք հրաշալիորեն  ներդաշնակվում են ինչպես դասական, այնպես էլ ժամանակակից միջավայրերում:

 Գյուտարարների  և ձեռնարկության  տարբեր բաժինների   համառ աշխատանքի  շնորհիվ  2001թ. «Լեոնարդոյի համակարգ» անվան տակ ներկայացվեց ջահերի տեղադրման  իսկապես հեղափոխական մի համակարգ: Այն հնարավորություն է   տալիս  ջահը հավաքել առանց էլեկտրական մասի հետ առնչվելու, այդպիսով` դյուրացնում  ջահի տեղադրման ամբողջ գործընթացը:

Առանձնահատուկ  մոտեցման  և ստեղծագործական երևակայության  շնորհիվ VOLTOLINA  ընկերությունը հնարավորություն է տալիս   տպավորիչ և բացառիկ ոճով ձևավորել յուրաքանչյուր տարածք :